Shahpur Bakhtiar

Shahpur Bakhtiar
Irudi gehiago
Irango Lehen Ministroa
Bizitza
Jaiotza	Isfahan, 1914
Herrialdea	Pahlavi Iran
Heriotza	Suresnes, 1991ko abuztuaren 6a (76/77 urte)
Hobiratze lekua	Montparnasseko hilerria
Heriotza modua	giza hilketa: labankada
Familia
Familia	ikusi Addy Bakhtiar (en) (birbiloba)
Hezkuntza
Heziketa	Parisko Unibertsitatea
Hezkuntza-maila	Doktor Nauk in Political Science (en)
Hizkuntzak	persiera frantsesa
Jarduerak
Jarduerak	politikaria
Zerbitzu militarra
Parte hartutako gatazkak	Bigarren Mundu Gerra
Sinesmenak eta ideologia
Erlijioa	agnostizismoa
Alderdi politikoa	National Front (en) National Resistance Movement of Iran (en)

Shahpur Bakhtiar (Teheran, 1914ko ekainaren 26a - Suresnes, Frantzia, 1991ko abuztuaren 6a) irandar politikaria izan zen.

Bizitza

Zuzenbideko ikasketak egin zituen Sorbonako Unibertsitatean eta Bigarren Mundu Gerran Frantziako armadan boluntario sartu zen. Gerra bukatu eta bere herrira itzulitakoan Mossadeghen Fronte Nazionaleko kide egin zen. Laneko ministro izatera iritsi zen 1951-1953 bitarteko gobernu aldian. Irango Reza Pahlavi xahk Mossadegh buruzagi nazionalista kondenatu zuenean, politika utzi, eta abokatu-lanetan hasi zen bere kontura. Hala ere, hainbat aldiz atxilotu zuen xahren polizia pribatuak, erregimenaren aurkako ekintzak egin eta Fronte Nazionala berrantolatzen saiatu zelako salaketapean. Baina 1979an, Khomeini aiatolaren mugimendu fundamentalistaren iraultzaren presioa zela-eta, xahk Gobernua osatzeko deitu zuen. Bakhtiarrek onartu egin zuen, baina erreforma politiko eta sozial demokratikoagoak bultzatzearen baldintzapean. Hala ere, ez zuen aldaketak gauzatzerik izan, urte hartan bertan islamiar xiita fundamentalistek monarkia eraitsi eta boterea hartu baitzuten. Xiien buruzagiekin akordiorik lortu ez zuenez, Frantziara atzerriratu zen. 1980an atentatu bat izan zuen Parisen, baina kaltegabe atera zen.

Erreferentziak

• Datuak: Q471787
• Multimedia: Shapour Bakhtiar / Q471787