Lourdes Munitxa

Lourdes Munitxa

Bizitza
Jaiotza	Zornotza, 1948ko ekainaren 1a
Herrialdea	Bizkaia, Euskal Herria
Heriotza	Zornotza, 2010eko uztailaren 9a (62 urte)
Hezkuntza
Hizkuntzak	euskara gaztelania
Jarduerak
Kidetza	Eusko Alkartasuna Eusko Alderdi Jeltzalea

Lourdes Munitxa Goxenola (Euba, Zornotza, Bizkaia, 1948ko ekainaren 1a - ib., 2010eko uztailaren 9a ) abertzale eta euskaltzale ezaguna izan zen. Mitin askotako hizlaria eta euskara bultzatzailea.

Biografia

Lourdes Munitxa Zornotzako Euba auzoan jaio zen, Munitxene baserrian, eta jaiotetxean bertan hil zen 62 urte zituela. Emakume egilea eta eragilea izan zen. Hainbat alorretan jardun zuen.^[1]

Auzoan

Gaztetan Orueko Lagundi dantza taldearen bultzatzailea izan zen, baita Anaidi taldeko txistularia eta Orueko koruko abeslaria ere. Martzel Andrinuak sortutako euskarazko antzezlanetan ere parte hartu zuen. Eubako jai-batzordean urteetan jardun zuen euskal giroko jaiak antolatzen.

Euskara arloan

Gaztetatik murgildu zen euskararen biziberritze lanetan. Agur aldizkarian Josu Arenazaren laguntzailea izan zen. Jose Antonio Retolazak sustaturiko Kili-Kili umeentzako komiki-aldizkaria bultzatzen eta banatzen jardun zuen. Euskerazaleak elkarteko Zuzendari Batzordeko kide izan zen (1970-1972).

Politikan

Politika munduan militante eta hizlari jardun zuen EAJ-PNVko mitinetan, batez ere 1976-1977 urteetan, Carlos Garaikoetxea, Iñaki Anasagasti, Manuel Irujo zein Balendin Enbeita bertsolariarekin, besteak beste.^[2]^[3]^[4]^[5]

Bizkaiko ordezkaria izan zen EAJ-PNVren Aberri batzarrean. Udal Erakundeko batzarkidea izan zen kultura batzordeko arduradun gisa, Begoñako barrutitik.

1985an (EA) Eusko Alkartasunan afiliatu zen. 1994an Eusko Alkartasunako hautagaien zerrendan egon zen Europako Parlamenturako Diputatuen hauteskundeetan.^[6]

Omenaldiak

2017an Itxaso Atutxak Emakume abertzaleei omenaldia izeneko hitzaldian Lourdes Munitxa gogoratu zuen eta haren nortasuna.^[7]

Erreferentziak

↑ http://www.amorebieta.com/atrasados/julioii2010.pdf 19.orr.
↑ https://www.euskalmemoriadigitala.eus/handle/10357/41411
↑ «Antiguos militantes de ETA forman el partido político EIA - Archivo Linz de la Transición española | Fundación Juan March» www.march.es (Noiz kontsultatua: 2023-06-01).
↑ Angulo, Javier. (1977-04-21). «La liberación nacional vasca, objetivo del PNV» El País ISSN 1134-6582. (Noiz kontsultatua: 2023-06-01).
↑ «Democracia» web.archive.org 2019-11-11 (Noiz kontsultatua: 2023-06-01).
↑ http://www.juntaelectoralcentral.es/cs/jec/documentos/PEuropeo_1994_Candidaturas.pdf
↑ https://www.eaj-pnv.eus/eu/agiriak/18501/emakume-abertzaleei-omenaldia

Kanpo estekak

http://aunamendi.eusko-ikaskuntza.eus/eu/munitxa-goxenola-lourdes/ar-82999/
Lourdes Munitxa. Argazkiak https://ianasagasti.blogs.com/files/173.12-fotos-glosadas-n%C2%BA-131-19.03.pdf
https://web.archive.org/web/20220409032533/https://www.ondarebideak.eus/erakutsi_item?id=708132